ಕರಗುತಿದೆ ನಿನ್ನೊಲವು ಕಾಡಿ ಕಾಡಿ..
ಮನಸು ಪ್ರೇಮದ ಗಂಗೆ ಹರಿವ ಭಾವದ ಕೂಸು
ಅಳುತಲಿದೆ ನೀ ನಡೆದ ದಾರಿ ನೋಡಿ..
ಗೆಲುವಿನೆಡೆಯಲಿ ಎಡವಿ,ನೀ ಕಳೆದ ನೆನಪುಗಳೆ
ಕೆಣಕುತಿವೆ ಅಣಕಿಸುತ ನನ್ನ ಸೊಲು..
ಸೋಲು ಗೆಲುವಿನ ನಡುವೆ ಅಂತರದ ಕಂದಕವ
ಅಳೆಯಬಹುದೇ ನಿನ್ನ ಅಳತೆಗೋಲು??
ಜಯಿಸುವುದು ಜೀವನವ ನಿನ್ನ ಪ್ರೀತಿ ಹಾರೈಕೆ
ಸೋಲಿಸಿದೆ ಸ್ಥೈರ್ಯವನೆ ಏಕಾಂತ ಭಾವ..
ಮರೆಸಿಬಿಡು ಬೇಸರವ ಜೀವ ಮರೆಯುವ ಮೊದಲೇ
ಗೆಲ್ಲಿಸಲಿ ಮತ್ತೊಮ್ಮೆ ಪ್ರೀತಿ ಪ್ರಭಾವ..
-ಶಿವಪ್ರಸಾದ ಭಟ್ಟ
