ಮಸುಕಿನ ಬಿಂಬದ ಶೃಂಗಾರ..
ಹರಿಯುವ ನೀರಿನ ನೆರಳಿನ ದಾರಿಗೂ
ಮೂಡಿದೆ ನಿನ್ನದೇ ಆಕಾರ..
ಜೀವ ಸೋಕುತಿಹ ಪ್ರೀತಿಯ ಗಾಳಿಗೆ
ಆಸರೆ ಬೇಕಿದೆ ಪ್ರೀತಿಯದೇ..
ಹೃದಯ ಸೋಲುತಿಹ ಒಲವಿನ ದಾಳಿಗೆ
ಹೆದರಿಕೆ ಇಂದಿಗೂ ಕನಸಿನದೇ..
ಕನವರಿಕೆಯ ಕರೆಯೋಲೆಯು ಕೂಗಿದೆ
ನಿನ್ನದೇ ಪ್ರೀತಿಯ ಪ್ರತಿ ಇರುಳು..
ಇನ್ನೂ ತಾಗಲಿ ನನ್ನಯ ಕಣ್ಣನು
ಗಾಳಿಗೆ ತೇಲುವ ಮುಂಗುರುಳು..
ಬಯಸಿದೆ ತನು-ಮನ ಈಗಲೂ ನಿನ್ನಯ
ಭುಜವನು ಒಮ್ಮೆಲೆ ಒರಗಿರಲು..
ತೆರೆದಿದೆ ಈ ಮನದರಮನೆ ಬಾಗಿಲು..
ಬಲಗಾಲಿಡು..ನೀ ಒಳಬರಲು..
-ಶಿವಪ್ರಸಾದ ಭಟ್ಟ
