"ಕಡಲಿನ ಕೂಗು.."

ಕಡಲೂ ಕರೆಯಿತೆ ನೆನಪಿನಾಳಕೆ
ಸಂಜೆ ಸೂರ್ಯನ ಬಾನಿಗೆ..
ತೆರೆಗಳಿಳಿಯಿತೆ ಹೃದಯ ಬಾನಿಗೆ
ಮೌನ ಮಾತಿನ ದೀವಿಗೆ..

ಕಡಲಿನಲೆಗಳು ಕೆಣಕುತಿಹವು
ನೀನಿರದ ಈ ತೋಳನು..
ಬಂದು ಕೈ ಹಿಡಿ ಮರೆವ ಮೊದಲೇ
ಪ್ರೀತಿ ಕಡಲಿನ ಒಡಲನು..

ನೀರು ತೋಯುವ ಮರಳ ಕಣದಲೂ
ನಿನ್ನ ಹೆಸರೇ ಬರೆದೆನು..
ಮನದಿ ಹರಿದಿಹ ಪ್ರೀತಿಯನ್ನು
ಜಾರದಂತೆ ಕರೆದೆನು..

ಇಂದು ಮುಳುಗಿದ ಸೂರ್ಯ ಕಿರಣವು
ನಾಳೆ ಮತ್ತೆ ಹೊಮ್ಮಲಿ..
ಮನದ ಮಳಲಲೂ ನಿನ್ನ ಹೆಸರೇ
ಜೀವವಾಗಲಿ..ಚಿಮ್ಮಲಿ..
       
            - ಶಿವಪ್ರಸಾದ ಭಟ್ಟ