"ತಿರುಗಿ ಬಾ ಗೆಳತಿ....!!"

ಕಾಡುವ ಕನಸಿನ ಕೊನೆಯ ನೆನಪೇ
ಕಾಡಿ ಕಾಡಿ ಕದಡುತಿದೆ..
ಎದೆಯ ಕದ ಬಡಿಯುತಿದೆ..
ತವಕದಲ್ಲಿ ಹೃದಯ ತೆಗೆದರೆ
ಬೀಸುವ ಗಾಳಿಯ ಸಂಗೀತವೇ ಹೊರತು
ಸುಳಿಯುವ ನಿನ್ನ ಮೆಲುವಾದ
ಗೆಜ್ಜೆಗಳ ಸಪ್ಪಳವಿಲ್ಲ..
ಪ್ರೀತಿಯ ನಿನ್ನ ಕರೆಯಿಲ್ಲ..
ಕೊನೆಗೂ ಕಾಣಲೇ ಇಲ್ಲ ನಿನು..

ಸಾಗರದ ಅಲೆಗಳ ನದುವೆ ಅಳಿಸಿಹೋದ
ನಿನ್ನ ಹೆಜ್ಜೆಯ ಗುರುತುಗಳನ್ನು ಅರಸಿದ್ದೇನೆ.
ನೀ ಹೋದ ದಾರಿಯಲ್ಲೇ ಅಲೆದಿದ್ದೇನೆ..
ನಿನ್ನ ಕಾಲುಂಗುರ ಹಿಡಿದು ಹುಡುಕಿದ್ದೇನೆ
ಮೃದುವಾದ ಕಾಲ್ಬೆರಳಿಗೆ ತೊಡಿಸಲೆಂದು..
ಸಿಗಲೇ ಇಲ್ಲ ಇಲ್ಲಿಯವರೆಗೂ..
ಬೆಳ್ಳಿಯ ಉಂಗುರ ಕೈಯಲ್ಲೇ ಕಾಯುತಿದೆ..
ಕನಸಲ್ಲಿ ಕೈ ಹಿಡಿದು ಕಾಲು ಕೊಡದೇ ಹೋದವಳೇ,
ಕಾಲುಂಗುರ ತೊಡಿಸುವೆ..ಒಮ್ಮೆ ಬಾ ಗೆಳತಿ..

                       -ಶಿವಪ್ರಸಾದ ಭಟ್ಟ